Wieërt Zuid 2006

V.V. de Straotvêrkus es onstange in 2006. Det kwaom umdet Jeffrey Wullems en Rens van Erp van kleins aaf me-j bauwdje aan de waages van Buurtvereiniging de Bosseverbieëk. Deej stoptje der me-j, mèr Jeffrey en Rens woë-je gaer doeërgaon. De oprichting van un vastelaovuntjsvereiniging woërt uutgesteltj tot nao de Vastelaovuntj. Waat waas ut geval: Jeffrey woërt in 2006j eugdpreens beej de Vêrkusköp en Rens zieëne adjudant. Det beveël zoeë good det ze in de laup van det jaor V.V. de Straotvêrkus oprichtje; saame met Rob Broens en Laurens van Erp. In 2007 deej-je ze vör de ieërste kieër me-j in Wieért-Zuid beej de Vêrkusköp. Ut motto toen waas: "Fôutje, bedânktj".

​

In 2008 deej-je ze mèt op Zuid onger ut motto: "Vêrkusstreek".

​

Ut jaor der op in 2009 besloeëte ze auch mèt te gaon doon inne stad. Ruben van de Bosch sloeët zich auch aan beej de Straotvêrkus. Ze dej-je in Wieërt-Zuid en inne stad mèt onger ut motto "Jaagtschoeëtel".

​

Auch in 2010 deej-je ze mèt op Zuid en inne stad. Dennis Vaas deej dit jaor vör ut ieërst mèj.  2010 haaj ut motto: "Druugkloeëte".

​

In 2011 deej Antony Truyen vör de ieërste kieër mèt. Rob Broens haaj zich bedanktj. Motto det jaor: "Vôlhaoje!".

​

2012 Waas ut jaor det ze besloeëte um vör de twieë optochte apaart unne waage te bouwen. In Wieërt-Zuid deej-je ze mèt onger ut motto: "Wieërter Olympics" en inne stad waas ut motto "Buhhhh-rlen".

​

2013 Waas ut schoeënste jaor tot nôw tôw. Ze haaje de Knouwelprieës inne stad mét ut motto "uutgekuurdj". De prieës vör de mieëst ludieke, carnavaleske kreaatie. Dao naeve haaje ze unne ieërste prieës.

Op Zuid haeje ze mét ut motto Face-lift unne twieëdje prieës.

 

Koks op leiding en Nachtwacht waare de motto's in 2014 in resp. Wieërt Zuid en inne stad. Op Zuid waare ze good vör unne derdje prieës en innen Stad tog weer unne ieërste.

 

In 2015 deejje ze me-j op Zuid mét ut motto: Plies in burger en inne Stad mét: Waat unne knôuwel. Zowaal op Zuid as inne Stad haaje ze unne ieërste prieës. Op Zuid haaje ze auch nog ut Zilvere Verreke.

 

In 2016 behaaldje ze dezelfdje prieëze as in 2015. Neteurlik waare de waages en motto's angers. Op Zuid: Ut zoo ontspannentj môtte werreke en inne stad: Processierups.

​

2017 Waas un bezeunder jaor. Rens woërt preens beej de Verkuskop op Zuid. Preens Rens I. De rest vanne vereiniging, vieëf man, woërte adjudant. Ze trokke op Zuid dan auch neet mét unne eige waage mér stonge allemaol oppe preensewagen. Neteurlik deeje ze auch mej inne stad. Ondanks de drukke tieët haaje ze dao nog unne waage vör gemaaktj. Hun motto: Escape room. Unne twieëde priees waas eur beloëning.

 

Nao det drukke jaor 2017 ginge ze in 2018 weer gewoeën verder. Op zuid waas ut motto: Fieëst inne tent - Camping 't Vettig Verreke. Inne Stad: Nao ellef jaor, 'n Schot inne roeës. Veur dit motto haaje ze un komplieëte Schotse band ingeheurtj. Heej haaj-je ze unne ieërste prieës.

​

Auch 2019 waas un bezeunger jaor. Op 22 fibberwari veerdje ze nameluk hun 11+1 jaorig bestaon. Ut waas un groeëts fieëst. Doeër tieëtgebrek dee-je ze helaas neet me-j mét de optocht op Wieërt-Zuid. Inne stad haaje ze ut motto De Oeëvergânk. Vör de twieëdje kieèr haaje ze heej de fel begeertdje Knauwelprieês.

​

2020 Un bezeundjer jaor. Nao un seizoen bauwe ut bericht det doeër waeromstandigheden (hieël zwaor weentstoeëte) dun optocht neet doeër kos gaon. Dit waas auch ut jaor det Laurens der me-j stoptje.

​

In 2021 waasj nog erruger; hieëlemaol geîn aktiviteiten mér nôw doeër ut Coronavirus. 

​

Utzelfdje in 2022. Corona. Weer geîne optocht.

​

Eindelik in 2023. Ut moch weer. Motto dit jaor: Un schöpke te völ. Heej me-j haaje ze unne ieërste prieës en vör dun derdje kieër in hun bestaon de knauwelprieës.

​

2024. Motto: Stroonteigewiês. En weer unne ieërste prieës en vör de veerdje kieër, en nôw vör de derdje kieër op reej, de knouwelprieës.

​

2025. Motto:

Ich zag nog ...   Aafbliêve!!!

Dit jaor unne 1e prieës in de categorie kleîne wages en un 2e plaats vör de Knauwelprieës.

​

​

​

De vereiniging weurtj beej gestange door verschillendje sponsors dee-j financieël en mét höllup en spulle me-j hellepe. Auch kreatief waere ze ongerstuunt doeër Jan Gabriëls, de groeëte inspirator achter de groep.